زاگرۆس پۆست
پاشنیوەرۆی دوێنێ شەممە سەعید شێرزاد، لەسێ‌و نۆیەمین رۆژی مانگرتنەكەی كۆتایی بە مانگرتن لەخواردن هێنا.
بەپێی زانیارییەكان سەعید شێرزاد پاشنیوەرۆی دوێنێ شەممە پاش ئەوەی نوێنەی دادستان‌و بەرپرسانی زیندان ئامادە دەبن‌و بەڵێن بە جێبەجێكردنی داواكارییەكانی دەدەن، كۆتایی بەمانگرتنەكەی دەهێنێت.
سەعید شێرزاد چالاکی سیاسیی کورد خەڵکی شاری کرماشانە و پێشتر و هاوکات لەگەڵ مانگرتنی لە خواردن، نامەیەکی ڕەوانەی دەرەوەی زیندان کردبوو کە لەوێدا ئاماژەی بە “بێڕێزیی بەردەوامی مەئموورەکان بە بنەماڵەی زیندانییەکان، دەستبەسەر کردنی ئەندامانی بنەماڵەی زیندانیانی سیاسی، پێشگرتن لە ڕەوانەکردنی زیندانیانی سیاسی بۆ ناوەندی دەرمانی و ئازار و ئەشکنجەی زیندانیانی سیاسی و ڕەوانەکردنیان بە زۆرەملی بۆ دادگاە، بە توندی ناڕەزایەتی دەربڕیبوو.
