رووداوی مین دوو قوربانی لێكەوتەوە

بەهۆی تەقینەوەی مین لە دوو ناوچەی جیاجیای كوردستان ژنێك‌و كوڕێكی لاو بەتوندی برینداربوون.

رۆژی هەینی رابردوو لەگوندی زاوەر سەر بەشاری پاوە ژنێكی كەمئەندام بەناوی مریەم ئەمینیان بەهۆی تەقینەوەی مین بە توندی برینداربوو ‌و ئێستا لەژێر چاودێری پزیشكی دایە.

هەرلەم پەیوەندەدا رۆژی یەكشەممە لاوێكی تەمەن 22 ساڵ بەناوی كارزان محەمەدی لە گوندی سەردۆش لەناوچەی مەریوان مین پێیدا تەقییەوە كە بەهۆیەوە بەسەختی برینداربوو.

تەقینەوەی مین لەناوچە جیاجیاكانی كوردستان ساڵانە بەدەیان كەس دەكاتە قوربانی.