زاگرۆس پۆست
ژمارەی شەهید‌و قوربانییەكانی تەقینەوەكانی بەیانی ئەمرۆ بۆ 225 كەس بەرز بووەوە. نەخۆشخانەكانی قامیشلۆ داوای هاوكاریی بەپەلەی بەرپرسانی هەرێمی كوردستان دەكەن.
بەپێی دوایین ئامارەكان لەئەنجامی ئەو دوو تەقینەوەیەی بەیانی ئەمرۆ لە شاری قامیشلۆ لە رۆژئاوای كوردستان روویدا 50 كەس شەهید بوون‌و زیاتر لە 175 كەس برینداربوون‌و پێدەچێت ژمارەی شەهیدەكان روو لەزیاد بوون بكات.
دوا بەدوای تەقینەوەكان گروپی تیرۆریستی داعش بەرپرسیارێتی تەقینەوەكەی گرتە ئەستۆ.
به‌هۆی ته‌قینه‌وه‌كانی ئه‌مڕۆی قامیشلۆوه، ماته‌مینی سه‌رتاسه‌ری له‌هه‌رسێ كانتۆنی (جه‌زیره، كۆبانێ‌و عفرین)ی خۆرئاوای كوردستان بۆ ماوه‌ی سێ ڕۆژ ڕاگه‌یه‌ندرا.
