زاگرۆس پۆست
نیوەرۆی ئەمرۆ 19ی پوشپەڕ، هەریەك لە موزەفەر ساڵح نیا‌و هاشم رۆستەمی، هەڵسوڕاوانی كرێكاری لە زیندانی شاری سنە ئازاد كران.
بەپێی ئەو هەواڵەی بە زاگرۆسپۆست گەیشتووە، موزەفەر ساڵحی نیا، ئەندامی دەستەی بەڕێوەبەری یەكێتی ئازادی كرێكارانی ئێران كە سەرەتای ئەم مانگە لەلایەن هێزەكانی ئیتلاعاتەوە دەستگیركرابوو، نیوەرۆی ئەمرۆ لەزیندان ئازاد كرا.
هەروەها هاشم رۆستەمی، هەڵسوڕاوی كرێكاریی شاری سنە كە رۆژی 29ی جۆزەردان لەلایەن هێزەكانی ئیتلاعاتەوە دەستگیركرابوو، نیوەرۆی ئەمرۆ شەممە ئازاد كرا.
