زاگرۆس پۆست
جگە لە کوسەی هەجیج، چالاکانی ژینگەپارێز باس لە لەناو بردنی لێڕەواری “شاوێنە” لەلایەن ئەندازیاران و بەڕێوەبەرانی پڕۆژەی بەنداوی داریان دەکەن و لەو پێوەندییەدا ناڕەزایەتیی خۆشیان بەو فەوتاندنە دەربڕیوە.
کوسەی هەجیج ئاواییەکی سەر بە هەورامانی رۆژهەڵاتی کوردستانە کە بە هۆی دروستکردنی بەنداوی داریان لەلایەن رژیمی ئیسلامی ئێرانەوە، دەکەوێتە ژێر ئاوەوە و بە گشتی دەخنکێت.
بەنداوی داریان بەشێکی بەرچاو لە خاکی رۆژهەڵاتی کوردستان و شوێنە مێژوویی و پیرۆزەکانی دەخاتە ژێر ئاوەوە و هەر ئەمەش بوەتە هۆی ناڕزایەتی خەڵکی ناوچەکە و تا ئێستا چەندین جار خەڵکی ناوچەکە بە دژی دروستکردنی ئەم بەنداوە ناڕزایەتییان دەربرێوە.
جێگەی ئاماژەیە کە بەنداوی داریان، لە دووری شەش کیلۆمیتر لە کانیی بڵ دروست دەکرێت و لە ئەگەری ئاوگیری کردنی ئەو بەنداوە نە تەنها “کوسەی هەجیج” بەڵکوو “کانیی بڵ” مەترسیی لەناوچوونی هەیە.
