زاگرۆس پۆست
سپای تورکیە بەردەوامە لە بۆردمانکردنی شار و ناوچەکانی کورستانی باکوور و لە شارۆچکەی نسیبینیش رووبەرووبوونەوەی چەکداری لە نێوان هێزە ئەمنییەکانی تورک و “یەپەسە”دا هاتوەتە ئاراوە.
لە ٢٩ھەمین رۆژی گەمارۆدانی شارۆچکەی “گۆر” سپای تورکیە گەڕەکەکانی “گۆنگۆرو جموھوریەت”یان بەتوندی بۆردومان کرد، لە ڕووبەڕووبونەوەکانی نێوان “یەپەسە”و ھێزە ئەمنیەکانی تورکیەش ٣ پۆلیس برینداربون، ھاوکات ھێزە ئەمنییەکانیش لە گەڕەکەکانی “ئۆرمان، مەزارلک، ئاسکی کەشلاو یەشیلدرە” پەلاماری شوێنی نیشتەجێبونی ھاوڵاتیانیان داوە و لە چەند شوێنێک ئۆتۆمبیلی “سەربازی” یان جێگیر کردوە.
جێگەی ئاماژەیە کە لە شارۆچکەی “نسێبین”ی سەر بەپارێزگای مێردین، سپای تورکیە بۆردومانی گەڕەکەکانی “فورات، عەبدولقادر پاشا، یەنی شەھیر، دیجلە، قشڵە و زەین عابین” یان کردوە و بەرخودان لەو شارۆچکەیە بەردەوامە.
