بۆکان: لە درێژەی ڕەشبگیری لە رۆژهەڵاتی کوردستان لاوێکی دیکەی کورد دەستگیر دەکرێت

سالار ڕەحمان پەنا،كۆڕی مەحەمەد ساڵح لەلایەن هێزە ئەمنیەتیەکانی رژیمی ئیسلامییەوە دەستگیر کرا و بۆ شوێنێکی نادیار گوازرایەوە.

بە پێی هەواڵەکان سەرلەبەیانی رۆژی شەممە رێکەوتی 15ی رەشەممە هێزە ئەمنیەتیەکانی رژیمی ئیسلامی ئێران لە شاری بۆکان لاوێکی کوردیان بە ناوی سالار ڕەحمان پەنا،كۆڕی مەحەمەد ساڵح دەستگیر و بۆ شوێنێکی نادیار گوازتوەتەوە.

جێگەی ئاماژەیە کە سەرەڕای ئەوەی بنەماڵەی ناوبراو چەندین جار سەردانی ناوەندەكانی قەزایی و ئەمنیان كردوە بەڵام هێشتاكە هۆكاری دەستگیرکردنی ڕوون نەكردوەتەوە.