زاگرۆس پۆست
لە لوبنان و لە ژێر دەسەڵاتی “حیزب‌وڵڵا” و بە سەرۆکایەتی “حەسەن نەسروڵڵا” کە سەر بە رژیمی ئیسلامی ئێرانن، کێڵگەیەکی حەشیش دۆزرایەوە.
بە پێی هەواڵەکان، ئاواره‌کانی سووریە به‌شێکیان له شاری ” ره‌ققه ”و ده‌وروبه‌ری خه‌ریکی وه‌رزێڕی بوون و له مه‌زراکانی گه‌نم و لۆکه‌دا کاریان کردوە، بەڵام کاتێک ڕه‌ققه له‌لایه‌ن داعشه‌وه دەستی بەسەردا گیرا و بوو به پێته‌ختی “داعش”، ئه‌وان به‌ره‌و لوبنان ڕایان کرد.
بە پێی هەواڵەکان ئەو ئاوارانە ئێستا لەو کێلگانە کار دەکەن کە مولکی “حیزب‌وڵڵایە” و بە ئاگاداری “حەسەن نەسروڵڵا” لەو مەزرایانە خەرێکی چاندن و به‌رهه‌مهێنانی حه‌شیشن ( شادانه/ کانابیس).
بە پێی هەواڵی ئاژانسی رویترز، چاندن و بەرهەمهێنانی ماددەی هۆشبەر هەمیشە یەکێک بوە لە سەرچاوە دارایەکانی حیزبە ئیسلامییە توندرەوەکان وەکوو “ئەلقاعدە، تالیبان و حیزب‌وڵڵای لوبنان” لە ئەفغانستانەوە تا لوبنان.
جێگەی ئاماژەیە ئه‌وان جیا له‌وه‌ی له فرۆش و بڵاوکردنه‌وه‌ی مادده هۆشبه‌ره‌کان له وڵاتانی ڕۆژاوایی مەبەستی خۆیان دەپێکن، به میلیون دۆلاریش داهاتیان هەیە.
