زاگرۆس پۆست
ئه‌مەریكا تاقیكردنه‌وه‌ی موشه‌ك له‌لایه‌ن ئێرانه‌وه له گه‌رووی هورمز و له نزیك كه‌شتییه‌كانی ئەمریکا و بازرگانەکان، به كارێكی ئیستیفزازی وه‌سف ده‌كات.
كایل رینز، وته‌بێژی ناوه‌ندی سه‌ركردایه‌تی هێزه‌كانی ئه‌مەریكا له به‌یاننامه‌یه‌كدا دەڵێت: كه‌شتییه جه‌نگییه‌كانی ئێران له گه‌روی هورمز ژماره‌یه‌ك موشه‌كیان تاقی كردوەته‌وه، كه ته‌نها هه‌زار و (370) مه‌تر له كه‌شتیی فڕۆكه‌هه‌ڵگری (ئێس.ئێس.هاری ترومان) و كه‌شتی تێكشكێنه‌ری ئه‌مەریكی و كه‌شتی (ئێف.ئێس.پرۆفنسی) فه‌ره‌نسییه‌وه دوور بوه.
به‌یاننامه‌كه رونیشیكردوەته‌وه، ئه‌و موشه‌كانه‌ی ئێران له جوڵه‌ی بازرگانی كه‌شتییه‌كانیشه‌وه نزیك بوه.
هاوكات وتەبێژی هێزەکانی ئەمەریکا ئه‌و كاره‌ی تارانی به ئیستیفزازی وه‌سف كردوه و به نه‌گونجاو له‌گه‌ڵ یاسای نێوده‌وڵه‌تی داویه‌ته قه‌ڵه‌م.
