زاگرۆس پۆست
بەدوای نەكشانەوەی هێزەكانی توركیە لەناوچەی موسڵ بەغدا رایگەیاند بە شێوەی فەرمیی لە ئەنجومەنی ئاسایشی سەر بە رێكخراوی نەتەوە یەكگرتوەكان سكاڵا لەسەر ئەنكارا تۆمار دەكات.
بەپێی بەیاننامەیەكی سەرۆك وەزیرانی عێراق، حەیدەر عەبادی داوای لە وەزیری دەرەوە كردوە تا بە فەرمی لە ئەنجومەنی ئاسایش سكاڵا لەسەر توركیە تۆمار بكات.
ئەم بەیاننامەیەی عەبادی لەكاتێكدا بڵاودەبێتەوە كە رەجەب تەیب ئەردۆغان، سەرۆك كۆماری توركیە جارێكی دیكە جەختی لەسەر ئەوە كردەوە كە هێزەكانی ئەو وڵاتە لە پارێزگای نەینەوا ناچنە دەرەوە.
هەر لەمبارەیەوە عەلی سیستانی گەورە مەرجەعی شیعەكانی عێراق دوای لە حكومەتەكەی عەبادی كردوە تا پارێزگاری لە “سەروەریی خاكی عێراق” بكات.
