زاگرۆس پۆست
لە رۆژانی رابردوو لە رۆژهەڵاتی کوردستان، ژمارەیەکی زۆر هاووڵاتی بە هۆی رووداوی هاتووچۆ گیانیان لە دەستداوە و تەنها لە 10 رۆژی رابردودا لە شاری سەقز 14 کەس گیانیان لە دەستداوە.
کۆمەڵناسێک لە پەیجی فیس بوکی تایبەت بە خۆی دەڵێت: خەڵک دەبێ خۆیان دەست بە کار بن و رێکخراویەک دابمەزرێنن و تێبکوشن بە پێی توانای خۆیان توێژینەوە لەمبارەوە ئەنجام بدەن و بەدامەزراندنی رێکخراوی مەدەنی هەوڵ بۆ کەمکردنەوە و دوزینەوەی رووداوەکانی هاتووچۆ بدەن.
راستە کە جادەکان خراپ و “استاندارد” نییە. راستە زۆربەی ماسینەکان ئەمنیەتیان نییە، بەڵام دەبێ قەبولی بکەین کە فەرهەنگی رانندگیش کاریگەری لەسەر ئەم دۆخە هەیە. رێکخراو یان ئەنجومەنێک دەتوانێت لەمبارەوە کاریگەری ئەرێنی لەسەر رووداوی هاتووچۆ دابنێت.
لە 10 رۆژدا لە شەقامەکانی سەقز 14 کەس گیانیان لە دەستداوە. ئەم رووداوە خوێناویانە لەم پایزەدا دووبارە و چەندبارە بوونەتەوە. ئامارەکان دۆخێکی نەگونجاو لە شەقامەکانی رۆژهەڵاتی کوردستان نیشاندەدەن.
