سەدان کتێبفرۆشی لە ئێران کراون بە پیتزا فرۆشی

دۆخی کتێبفرۆشی لە ئێران زۆر خراپە و تا دێت بازاری کتێب بە هۆی کێشەی ئابووری و گرانبوونی کتێب و هەروەها نەدانی سوبسید لەلایەن رژیمی ئیسلامیەوە بە کتێبفرۆش و ناشرەکان، ئەم  توێژە ناچار دەبن واز لەکارەکەیان بێنن.

بژیوی نووسەران لەوپەری خراپی خۆیدایە و ئەو شوینانەی کە کتێب پەخش دەکەن وردە وردە کەم و کەمتر دەبنەوە و ئەمەش کاریگەری نگەتیڤی لەسەر بازاری کتێب داناوە ئەمەش وایی کردوە کە چاپی کتێب لە ئێران تا دێت خراپتر و رێژەی چاپی کتێب بگاتە ئاستی 300 تا 500 بەرگ.

شایانی باسە لە رۆژهەڵاتی کوردستان دۆخی کتێبفرۆشان لە شارەکانی دیکەی ئێران زۆر خراپترە و جگە لە دۆخی ئابووری، هەمیشە دۆخی ئەمنیەتی زالە بەسەر کتێبفرۆش و نووسەرەکاندا و ساڵ نییە چەن کتێبفرۆش یان نووسەر لە رۆژهەڵاتی کوردستان لەلایەن هێزە ئەمنیەتی و ئیتلاعاتیەکانی رژیمەوە دەستگیر نەکرێن، یان ناچار نەکرین وڵات بە جێ بێڵن.