زاگرۆس پۆست
لاوێكی كورد لە كاتی مەلە لەناو بەنداوێكی شاری كامیاران نوقم بووە و بەهۆی نەبوونی مەلەوانەوە گیانی لەدەست داوە.
بە پێی هەواڵی باسنیوز، دوێنێ هەینی 10ی مانگی رەزبەر لاوێكی كوردی خەڵكی كامیاران بەناوی “شێركۆ” 22 ساڵان لە كاتی مەلە لەناو بەنداوی “زێویە”دا نوقم بووە و بەهۆی نەبوونی ئیمكانات و مەلەوان گیانی لەدەست داوە.
دەوترێ بنەماڵە و كەسوكاری پاش نوقمبوونی كوڕەكەیان پەیوەنددیان بە لایەنە پەیوەندیارەكانەوە كردووە كە گیانی رزگار بكەن، بەڵام بەهۆی نەبوونی مەلەوان هیچ یارمەتییەكیان نەداون و ئەوەش بووەتە هۆی گیان لەدەستدانی.
شایانی باسە، ساڵانە لە كاتی مەلەكردندا لەناو رووبار و بەنداوەكانی كوردستان كۆمەڵێك لاو بەهۆی نەزانینی مەلە و نەبوونی ئیمكانات و كەمتەرخەمیی لایەنە پەیوەندیدارە حكوومییەكانەوە گیان لەدەست دەدەن.
