زاگرۆس پۆست
پیاوێكی خەڵكی شاری مەریوان بەھۆی كێشەی بنەماڵەییەوە، ھێرشی كردووەتە سەر ژنەكەی و بە چەقۆ كوشتوویەتی.
بەپێی راپۆرتی باسنیوز، ئەو ژنە ناوی “فەریدە” و 29 ساڵ تەمەنی بووە و پاش ئەوەی بە چەقۆ لێیدراوە، ماوەی یەك رۆژ لە نەخۆشخانە ماوەتەوە و دواتر گیانی لەدەستداوە.
فەریدە خەڵكی شاری مەریوان بووە و پاش ئەوەی لەگەڵ مێردەكەی دەمەقاڵە و شەڕ لە نێوانیاندا دروستبووە، مێردەكەی بە چەقۆ ھێرشی كردووەتە سەری و چوار چەقۆی لەسەر سینگی داوە.
بە وتەی كەسانی ئاگادار، ئەو ژن و مێردە چەندین جار كێشە و دەمەقاڵەیان بووە و پێشتریش ئەو ژنە لە لایەن مێردەكەوە زۆری لێدرابوو و بۆ ماوەی پێنج مانگی لە ماڵی باوكی بوو.
بكووژەكە ناوی “جەسیم”ە و پاش ئەنجامدانی تاوانەكەی، لە لایەن پۆلیسەوە گیراوە.
