دوو وەرزشكاری كورد میداڵی نێودەوڵەتییان مسۆگەر كرد

تیمی كاڕاتەی كیوكوشینی مەهاباد لە خولی نوێی یارییەكانی “ئوراسیا”دا توانی دوو میداڵی زێڕ بباتەوە.

بە پێی راپۆرتەكان لەمبارەیەوە، لەو یارییانەدا كە لە شاری تاران بەڕێوەچوون، “ئارام قادرپوور” لە كێشی كەم 50 كیلۆداو “سالار نازم” لە كێشی كەم 55 كیلۆ لە ئاستی تەمەنیی لاوان‌دا توانییان لە یاریی كۆتایی‌دا ڕكەبەرەكانی خۆیان لە وڵاتانی ئەفغانستان‌و توركیە بەچۆك دابێنن‌و میداڵی زیڕی ئەو پێشبڕكێیانە بە ناوی خۆیان بۆ شاری مەهاباد بێننەوە.

جێگای باسە، ئەم خولەی پێشبڕكیی كاڕاتەی ئوراسیا بە بەشداریی 300 وەرزشكاری ئێرانی‌و بیانی لە ڕۆژانی 26و 27 ی خەرمانان لە شاری وەرامینی تاران بەڕێوەچوو.