زاگرۆس پۆست
دوو لاوی كورد بەهۆی نەزانینی مەلە لەناو رووباری “بەیات” لە نزیك شاری “دێهلوڕان” سەر بە پارێزگای ئیلام لە ئاودا خنكان و گیانیان لەدەستدا.
بەپێی هەواڵی هەواڵنێریی حكومەتیی مێهر و بە پشتبەستن بە زانیاریی پۆلیسی بەشی “مووسیان”ی شاری دێهلوڕان دوو لاوی 15 و 25 ساڵەی كورد كە لەگەڵ بنەماڵەكانیان بۆ سەیران چوونەتە كەناری رووباری بەیات، بەهۆی نەزانینی مەلەوە لە ئاودا خنكاون.
تەرمی ئەو دوو لاوە پاش چەند كاتژمێر لەلایەن خەڵكی ناوچەكەوە لە ئاو هێنراوەتە دەرەوە و دواتر رەوانەی پزیشكی یاسایی كراون.
ساڵانە لەناو بەنداو و رووبارەكانی كوردستان بەهۆی ناشارەزایی لە مەلە كردن و كەمتەرخەمیی لایەنە پەیوەندیدارەكان لە دانانی هێمای ئاگادار كردنەوە دەیان كەس و بەتایبەت لاوان، لە ئاودا دەخنكێن.
