زاگرۆس پۆست
لە ناوچە سنوورییەكانی شاری سەردەشت كۆڵبەریكی كوردی خەڵكی ئاوایی “كۆخێ” بە تەقەی هێزە ئینتزامییەكانی كۆماری ئیسلامی ئێران بریندار كراوە.
بەپێی راپۆرتی سەرچاوەكانی مافی مرۆڤ، ئەو كۆڵبەرە كوردە ناوی “ناسر عەلیخانی” بووە و لە ناوچەی ” كۆشكی بەختیار” و لە دەورووبەری بنكەی هێزە ئینتزامییەكانی گۆزەڵەوە تەقەی لێكراوە.
دەوترێ، هەر لە ئەنجامی تەقەی هێزە ئینتزامییەكانی كۆماری ئیسلامی ئێران چەند سەر ئەسپی بارهەڵگری كاسبكارانیش بەكوشت چوون.
جێگای باسە، خەڵكی هەژار و رەش و رووتی ناوچە سنوورییەكانی كوردستان بەهۆی بێكاریی و بێ دەرەتانی روو دەكەنە كاری پڕ مەترسی كۆڵبەری لەسەر سنوورەكان و بەو بۆنەوە بە بەردەوامی لە لایەن هێزەكانی كۆماری ئیسلامیەوە هێرش دەكرێتە سەریان و بەرەوڕووی خەساری گیانی و ماڵی دەبنەوە.
