زاگرۆس پۆست
“باران” كچە گۆرانیبێژی كوردی دانیشتوی ئەمریكا، لە دوای ئەوەی وەك باشترین گۆرانیبێژی گەنجی ئێران هەڵبژێردرا، خەڵاتی جیهانی Big Apple Music ساڵی ٢٠١٥ی زایینیشی مسۆگەر كرد.
“باران” بە راگەیاندنەكانی وتوویەتی: شانازی بەو خەڵاتەوە دەكات و لە داهاتوودا كاری جدیتر بۆ بەدەستهێنانی ناسناوی گەورەتر دەكات و وتیشی “یەكێك لە خەونە گەورەكانی ژیانم هاتە دی”.
خەڵاتی سێوی گەورەی ساڵی ٢٠١٥ لە شاری هامبۆرگی وڵاتی ئەڵمان دابەش دەكرێت، خەڵاتەكەش تایبەتە بە هونەرمەندانی رۆژهەڵاتی ناوەڕاست كە توانیویانە زۆرترین ناوبانگ و سەركەوتن لە جیهاندا بەدەستبهێنن.
باران گەرچی كچێكی كورد و خەڵكی شاری مەهابادە، بەڵام زۆربەی گۆرانیەكانی بە زمانی فارسی وتووە و لە نێو ئێرانیەكاندا لایەنگرێكی زۆری هەیە.
