سێ شه‌ممه‌ 18 حوزه‌یران 2024

لە ورمێ تێكهەڵچوونی چەكداری هاتە ئاراوە

پاش ئەوەیكە شەڕ و تێكهەڵچوونی چەكداری لە ئاوایی “خانگێ” هەڵكەوتوو لە 5 كیلۆمتری شاری ورمێ، چەند كەس لە ئەندامانی تیمێكی “سەلەفی” دەستگیر كران.

بە پێی راپۆرتی ماف نیوز، دوێنێ یەكشەممە 4ی مانگی گەلاوێژی ساڵی 1394ی هەتاویی لە تێكهەڵچوونێك لە كاتژمێر 4ی ئێوارە و لە نێوان ئەندامانی تیمێكی سەلەفی مەزهەبی لە ئاوایی “خانگێ”، یەكێك لە ئەندامانی تیمە سەلەفیەكە بریندار و 3 كەسی دیكەش دەستگیر كران.

 

تا ئێستا سەبارەت بە شوناسی ئەو گرووپە و هۆكاری تێكهەڵچوونەكە هیچ زانیارییەك بڵاو نەكراوەتەوە، بەڵام بە وتەی شایەتحاڵان ئەو تیمە سەلەفیە لە هاوكارە چالاكەكانی یەكێك لە لقەكانی داعش بوون كە لە ئێران بوون و دەستیان داوەتە ئەندامگیری.

 

ئەم تێكهەڵچوونە 20 خولەك درێژەی هەبووە و بڕێ چەك و تەقەمەنیش لە شوێنی ژیانی ئەو كەسانەش دەستی بەسەردا گیراوە.

 

تا ئێستا هیچ زانیارییەك لە شوناسی ئەو كەسە و هەروەها شوێنی راگیرانیان ئاشكرا نەبووە.

 

كاربەدەستانی ئەمنیەتیی كۆماری ئیسلامی گرووپە سونەكانی نەیاری حكومەت بە توندڕەوی مەزهەبی تۆمەتبار دەكەن و ئەوان بە لایەنگری وەهابییەكان و سەلەفیەكان لە قەڵەم دەدەن.

 

لە بەرامبەردا نەیارانی كۆماری ئیسلامی و بەتایبەت لە ناوچە سوننەنشینەكانی ئێران، حكومەت بە لەبەرچاو نەگرتنی مافی سوننەنشینەكان تۆمەتبار دەكەن و زۆر جار بەم بۆنەوە شەڕ و تێكهەڵچوون روو دەدات.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …