زاگرۆس پۆست
ڕژیمی ئێران هاوکات لە گەڵ درێژە پێدان بە سیاسەتەکانی دژ بە میللەتی کورد،پاڵاوگەی نەوتی کرماشانی بۆ فرۆشتن داناوە و حەراجی دەکات.
زاگرۆس پۆست: بە پێی ڕاپۆرتی هەواڵدەری “تەسنیم”سەربە دەوڵەتی ڕژیمی ئیسلامی، پاڵاوگەی نەوتی کرماشان، بۆ فرۆشتن دانراو،نرخی ئەو پاڵاوگەیە کە ٦٣٠٠ ملیار تمەنە، بە ٢١٠٠ ملیار تمەن حەراج دەکرێت.
لەمبارەوە نوێنەەری ڕژیم لە شاری سۆنقۆر و کولیایی ڕایگەیاندووە،کە ئەم پاڵاوگەیە زیانی زۆرە، بۆیە فرۆشیاران ئەو کارەیان کردووە و دراوە بە بەشی تایبەت و خسووسی،تا قازانجی زۆرتر بێت.
یەکێک لە نوێنەرانی ڕژیم لە مەجلیسی ڕژیم وتی کە مودیری ئەو پاڵاوگەیە بە دزیەوە دەستی کردووە بە فرۆشتنی ئەو پاڵاوگایە.
پاڵاوگەی کرماشان لە داوی پاڵاوگەی ئابادان دووهەمین پاڵاوگەی ئێرانە و فرۆشتن و داخرانی دەبێتە هۆی بێکاری کرێکاران و باری ئابووری پارێزگای کرماشان، کە لە بواری بێکاریەوە لە ئێراندا یەکەم پارێزگایە، و بە تایبەت ناوچەکە تا بێت ڕوو لە خراپتر بوون دەکات.
هاوکات لە گەڵ دەستپێکردنی کاری فرۆشتنی پاڵاوگەی کرماشان کرێکارانی ئەو پاڵاوگەیە کۆبوونەوەی ناڕەزایەتیان بڕێوە برد.
