زاگرۆس پۆست
سپای پاسدارانی ڕژیمی ئێران لە هەوڵی بە تاڵان بردنی یەکێک لە ئاسەوارە مێژووییەکانی شاری شنۆدایە.
بەپێی ڕاپۆرتی گەیشتوو بە ئاژانسی هەواڵدەری زگرۆس پۆست؛ سپای پاسدارانی ڕژیمی ئێران دەستی بە هەڵکەندن و تێکدانی قەڵاتگەی “حەسەن نووران”، سەربە شاری شنۆ کردووە کە یەکێک لە ئاسەوارە کۆن و مێژووییەکانی ئەو شارەیە.
بە وتەی سەرچاوەیەکی ئاگادار لە ناوچەی “حەسەن نووران” سپای پاسداران دەستیان بە هەڵکەندنی قەڵاتگەی “حەسەن نووران”، کردووە و خەریکی بە تاڵان بردنی ئاسەوارە مێژووەییەکانی ئە قەڵاتگەیەن.
شایانی باسە کە ئەم هەوڵەی سپای پاسداران، ناڕەزایەتی دانیشتووانی ناوچەکەی لێکەوتووەتەوە.
جێگای ئاماژەیە کە لە ماوەی یەک ساڵی ڕابردوودا قەڵاتگەی “حەسەن نووران” چەن جار لە لایەن سپای پاسدارانەوە هەوڵی هەلکەندن و بە تاڵان بردنی ئاسەوارە بە جێماوەکانی ئە قەڵاتگەیەان داوە.
