زاگرۆس پۆست
کاسبکارێکی کورد کە ڕۆژی یەکشەمە بە تەقەی هێزە نیزامیەکانی ڕژیم بریندار بوو، بە هۆی قورسی برینەکەیەوە لە نەخۆشخانە گیانی لە دەستدا.
بەپێی ڕاپۆرتی گەیشتوو بە ئاژانسی هەواڵدەری زاگرۆس پۆست؛ ڕۆژی چوارشەممە، ١٢ی پووشپەڕ، کاسبکارێکی کورد بە ناوی “یوونس ئاڵتوون”، تەمەن ٢٦ ساڵ،خەڵکی گوندی “نەمنجێ” سەربە شاری پیرانشار، بە هۆی قورسی برینەکەیەوە، لە نەخۆشخانەی شاری ورمێ، گیانی لەدەستدا.
شایانی باسە کە ئەو کاسبکارە کوردە ڕۆژی یەک شەممە، ٩ی پووشپەڕ، لە ناوچەی “زێویە و ماشکان” بە تەقەی ڕاستەوخۆی هێزە چەکدارەکانی ڕژیم بریندارکرابوو.
