زاگرۆس پۆست
سەرچاوەیەكی ئەمنی ئاماژە بەوە دەكات داعش پەلاماری بەشێكی زۆری گوندەكانی پارێزگای ئەنباریان داوە و بەشێكیان كۆنترۆڵ كردوون، سپای عێراقیش فرۆكەی جەنگی بەكارهێناوە.
سەرلەبەیانی ئەمرۆ پێنجشەممە یەكی خەزەڵوەر، چەكدارانی داعش هێرشێكی گەورەیان بۆ سەر شارۆچكەكانی ‘ البوهوی والفحیلات و زوبع’ ئەنجام داوە، چونكە ئەو سێ شارۆچكەیە لەژێر دەستی داعش نەبووە، بەڵام سەرلەبەیانی ئەمرۆ كۆنترۆڵیان كردوونەتەوە.
بەپێی قسەی سەرچاوەیەكی ئەمنی لەبەغدا بۆ (باسنیوز)فرۆكەی عێراقی بەرەو ئاسامانی ئەنبار جوڵەپێكراوە، لە شەڕی زەمینیش هۆزەكانی ئەو ناوچەیە و سپای عێراق لە شەڕێكی سەختی لە دژی چەكدارانی داعش دان.
بەپێی قسەی ئەو سەرچاوە ئەو سێ شارۆچكەیە لەژێر دەستی سوپای عێراق بوون، بەڵام داعش ئامانجی لەو هێرشە گرتنەوەی هەر سێ شارۆچكەیە.
