ناڕەزایەتیی بە ئێعدامەكان شاری سنەی گرتەوە

رۆژی شەممە 25ی خەزەڵوەر كاتژمێر 5ی سەرلەئێوارە كۆمەڵێكی بەرچاو لە چالاكانی مەدەنی‌و خەڵكی شاری سنە لە ناڕەزایەتیی بە ئێعدامەكانی ئەم دواییانەی چالاكانی سیاسیی لە كوردستان‌و بۆ هاودەنگ بوون لەگەڵ شارەكانی دیكەی كوردستان، ناڕەزایەتیی خۆیان دەربڕی‌و دەستیاندایە بەڕێوەبردنی خۆپیشاندانێك. دەوترێت بەشداربووانی ئەم خۆپیشاندانە دروشمی نا بۆ ئێعدام‌و بەڵێ بۆ ژیان‌و ئازادیی زیندانی سیاسیان بەرزكردەوە. بازاڕی میوەفرۆشەكانی شاری سنە لە پشت پاساژی ئاشنا بە تەواوی پشتی خۆپیشاندەرانیان گرت‌و بەمشێوە شەپۆلێكی بەرینی ناڕەزایەتیی ئەو شارەی گرتەوە.