زاگرۆس پۆست
دوێنێ هەینی حەبیبوڵا گوڵپەری پور، زیندانی سیاسی لە زیندانی ورمێ بۆ شوێنێكی نادیار گواستراوەتەوە‌و مەترسی لەسێدارەدانی لەسەرە.
بەپێی راپۆرتی هەڵسوڕاوای مافی مرۆڤی ئێران، تا ئێستا هیچ زانیارییەك لەو شوێنە نیە كە ئەم بەندكراوە سیاسییەیان بردوە، بەڵام بەسەرنجدان بەوەی هێزە ئەمنییەكانی زیندان چەندین بەندكراوی ئاساییان بۆ جێبەجێكردنی سزای لەسێدارەدان رەوانە ژووری تاكەكەسی كردوە، مەترسی ئەوە هەیە گواستنەوە حەبیبوڵا گوڵپەری پور لەم پەیوەندەدا بێت.
حەبیبوڵا گوڵپەری پور، لەدایكبووی 1363ی شاری سنە، ساڵی 1388 لەلایەن هێزە ئەمنییەكانەوە دەستگیركرا‌و لەلایەن دادگای ئینقلاب وەك مەحارب ناسراو سزای لەسێدارەدانی بەسەردا سەپا.
