دوو پێشمەرگەی كۆمەڵەی شۆڕشگێڕ خۆیان کوشت

كەمێك پێش ئێستا كچ‌و كوڕێكی پێشمەرگەی كۆمەڵەی شۆڕشگێڕی زەحمەتكێشانی كوردستانی ئێران لە مقەڕی ئەو حیزبە لەسلێمانی بە فیشەك خۆیان كوشت.
سەرچاوەیەك لە كۆمەڵەی شۆڕشگێڕی زەحمەتكێشانی كوردستانی ئێران بە سپی نیوزی راگەیاند سەرەتای ئەمشەو دووشەممە، لە مقەڕی پەیوەندییەكانی ئەو حیزبە لە شاری سلێمانی كوڕ‌و كچێكی گەنج بەناوەكانی “ئەحمەد. ب”‌و “شادی. ت” كە پێشمەرگەی كۆمەڵە بوون تەقەیان لەخۆیان كرد‌و كۆتاییان بوە ژیانی خۆیان هێنا.
بەوتەی سەرچاوەكە پێدەچێت پەیوەندی خۆشەویستی لەنێو ئەم كچ‌و كوڕەدا هەبووبێت.,
لەئێستا تەرمی هەردوو پێشمەرگەكە رەوانەی پزیشكی دادوەری سلێمانی كراوە‌و تا ئێستاش هۆكاری ئەو رووداوە ئاشكرا نەبووە، بەڵام لێكۆڵینەوە پۆلیس لەو بارەیەوە دەستی پێكردوە.
هاوکات بە پێی بە پێی هەواڵێكە لە وێبسایتی ئاسۆی رۆژهەڵات كۆمەڵەی شۆڕشگێڕ رایگەیاندووە، لە داهاتوویەكی نزیك وردەكاریەكانی خۆیان لەوبارەوە بڵاو دەكەنەوە.