زاگرۆس پۆست
دوانیوه‌ڕۆی ئه‌مڕۆ جه‌یشولعه‌دل، هێزی سه‌ربازیی ناسراوی به‌لوچه‌کانی دژ به کۆماری ئیسلامی ڕایگه‌یاند، له ناوچه‌ی سه‌راوان‌ی به‌لوچستان بۆسه‌یان بۆ هێزێکی سپا ناو‌ه‌ته‌وه‌و که‌سێکیان کوشتووه.
جه‌یشولعه‌دل ڕایگه‌یاندووه کاتژمێر 07:30سه‌رله‌به‌یانیی ئه‌مڕۆ له ڕێگه‌ی مینێکی کۆنترۆڵکراوی سه‌رجاده‌وه ماشینێکی سپای پاسدارانیان کردووه‌ته ئامانج‌و له ئاکامیدا ئه‌فسه‌رێکی سپا کوژراوه‌و چه‌ند که‌سی تر بریندار بووه.
له ڕاگه‌یاندنه‌که‌دا هه‌روه‌ها هاتووه ‘ئه‌م هێرشه له وڵامی له سێداره‌دانی لاوانی به‌لوچ‌و کوردو عه‌ره‌ب ئه‌نجام دراوه که له ماوه‌ی ڕابردوودا ئێعدام کراون.’
جه‌یشولعه‌دل هێزێکی تازه‌ڕاگه‌یه‌نراوی ئیسلامیی دژبه‌ری کۆماری ئیسلامییه له ناوچه‌ی به‌لوچستان‌‌و ڕێگه‌چاره‌ی چه‌کداری بۆ گه‌یشتن به مافه‌کانی خه‌ڵکی به‌لوچ به ڕ‌ه‌واو تاکه‌ڕێگا ده‌زانێت.
