“موسڵمان”ەكانی پاكستان ژن و مێردێكی “مەسیحی”یان سووتاند

ژن و مێردێكی مەسیحی بەهۆی “بێ رێزی بە قورعان” لە لایەن كۆمەڵێ خەڵكی بێ بەزیی موسڵمانی ئاواییەك لە 60 كیلۆمتری “لاهور” سەر بە ولایەتی “پەنجاب” كوشتووە.

پۆلیسی پاكستان رایگەیاندووە كە، باش ئەوەیكە ئیسلامیەكان بە دڕندەیی هێرش دەكەنە سەر ئەو ژن و مێردە مەسیحیە و دەیانكوژن، دەیانخەنە نێو كوورە و دەیانسووتێنن.

یەكێك لە بەرپرسانی ناوچەكە بە هەواڵنێریی “بی بی سی”، راگەیاندووە، كە پۆلیس هەوڵی داوە ئەو ژن و مێردە لە دەست موسڵمانەكان رزگار بكەن، بەڵام بە هۆی زۆر بوونی رێژەكەیان پۆلیس نەیتوانیوە لە هەوڵەكانی سەركەوتوو بێت و  ئێستا كاربەدەستانی باڵای پۆلیس و دەوڵەت رۆیشتوونەتە ناوچەكە تا سەبارەت بەم رووداوە توێژینەوە بكەن.