هه‌ینی 24 تشرینی دووه‌م 2017
ماڵەوە / ئێران / لە ئێران 33 هەزار گوند چۆڵكراون

لە ئێران 33 هەزار گوند چۆڵكراون

بەپێی ئامارەكان، نزیكەی 33 هەزار گوند لە ئێران چۆڵكراون و، دانیشتووانەكەیان روویان لە شارەكان كردووە، هەزاران گوندی دیكەش مەترسی چۆڵكردنیان لەسەرە.

لە یەكێك لە گوندەكانی پارێزگای سنە، تەنیا چەند بنەماڵەیەكی كەم دەژین، بەڵام گەنجەكان گوندەكەیان جێهێشتووە و زیاتر خەڵكە بە ساڵاچووەكان ماونەتەوە.

بەپێی راپۆرتێكی كەناڵی تلەفزیۆنی رووداو، گوندنشینەكان، بۆ مانەوە پێویستییان بە كارێكی جێگیر هەیە. حكومەتی ئێران لە ساڵانی رابردوودا بە پرۆژەی جۆراوجۆر هەوڵی داوە رێگە لە كۆچی گوندنشینان بۆ شارەكان بگرێت. پرۆژەكانیش لە هەندێك حاڵەتدا سەركەوتوو بوون، بەڵام بەگشتی كۆچی گوندنشینەكان بۆ شارەكان فەرهەنگ و كولتووری گوندنشینیی لەنێوبردووە.

گوندنشینەكان كە بەهۆی بێكارییەوە روودەكەنە شارەكان، لە شاریش رووبەڕووی كێشەی زۆر دەبنەوە، بەشێكی زۆریان بەناچاری لە گەڕەكە پەراوێزخراوەكانی شارەكاندا جێگیر دەبن.

نەخۆشخانە، دەرمان، پرسی تەندروستی و پاكوخاوێنیش بەشێكی دیكەی كێشەكانی گوندنشینەكانن، بۆیە ئەو گوندەی سنە تاكە گوند نییە، كە خەریكە بەتەواوی چۆڵ دەبێت، چالاكوانانیش دەڵێن: دوایین گوندیش نابێت.

بابەتی هاوپۆل

بەڤیدیۆ.. هێزەکانی رژیم لە سەرپێڵ‌زهاو بە گازی فرمێسکڕێژ هێرشیان کردە سەر خەڵک

لە گرتە ڤیدیۆیەکدا ک ەلە تۆڕە کۆمەڵایەتییەکان بڵاو کراوەتەوە، هاوڵاتیانی بووومەلەرزەلێدراوی شاری سەرپێڵ‌زەهاو لا کاتی …